🔥 निरावागज पत्रावस्तीतील राजकीय खळबळ! केशव अप्पा देवकाते पाटील यांच्या निवासस्थानी ओबीसी बहुजन कार्यकर्त्यांची निर्णायक बैठक 🔥

बारामती,दि.२९-: तालुक्यातील निरावागज पत्रावस्ती येथे युवा नेते केशव अप्पा देवकाते पाटील यांच्या निवासस्थानी ओबीसी बहुजन समाजातील विविध गावांतील कार्यकर्त्यांची महत्त्वपूर्ण बैठक पार पडली. या बैठकीत प्रस्थापित व्यवस्थेविरोधात सातत्याने आवाज उठवणारे नीरा नदी खोऱ्यातील अनेक मान्यवर एकत्र आल्याने राजकीय वातावरण तापल्याचे पाहायला मिळाले.

बैठकीत शेतकरी, विद्यार्थी, बेरोजगार युवक यांचे वाढते प्रश्न, निकृष्ट दर्जाची विकासकामे, तसेच सहकार क्षेत्रातील दुजाभाव या गंभीर विषयांवर सखोल चर्चा करण्यात आली. “प्रलंबित प्रश्न सोडवण्यासाठी आता निर्णायक लढा उभारण्याची गरज आहे,” असा सूर उपस्थित कार्यकर्त्यांकडून उमटला.

या वेळी बापूराव सोलनकर, देवेंद्रजी बनकर, निरावागज नंबर 2 सोसायटीचे संचालक राजेंद्र भगवान देवकाते, विनोद देवकाते, परशुराम खरात, नितीन देवकाते, विजय देवकाते, बाबासो देवकाते, महादेव साहेबराव खरात, मनोज पिंगळे, संदीप केसकर आदी मान्यवर उपस्थित होते.

📌 सूत्रांची माहिती:

या बैठकीनंतर स्थानिक पातळीवर नव्या राजकीय समीकरणांची चर्चा रंगू लागली असून, आगामी काळात मोठे आंदोलन उभे राहण्याची शक्यता व्यक्त केली जात आहे.