नांदेड/ बाळापूर,दि.९-: डॉ. बाबासाहेब आंबेडकर यांच्या जयंतीनिमित्त लावण्यात आलेल्या बॅनरमुळे एक धक्कादायक अपघात घडला आहे. वादळी वारा आणि मुसळधार पावसामुळे बॅनर कोसळू लागल्याने काही भीमसैनिकांनी ते वाचवण्यासाठी धाव घेतली. मात्र, याचवेळी वरून जाणाऱ्या वीज तारेच्या संपर्कात आल्याने दोन जणांना जोरदार विद्युत धक्का बसला.
या अपघातात दोघेही गंभीर जखमी झाले असून त्यांना तात्काळ नांदेड येथील सिव्हिल हॉस्पिटलमध्ये दाखल करण्यात आले आहे. यातील एका जखमीची प्रकृती अत्यंत चिंताजनक असून, त्याचा एक हात मनगटापासून निकामी झाल्याची माहिती डॉक्टरांनी दिली आहे. परिस्थिती गंभीर असल्याने त्यावर शस्त्रक्रिया करून मनगटाचा भाग काढावा लागू शकतो, असेही सांगण्यात येत आहे.
ही घटना भीमसैनिकांच्या निष्ठा आणि समर्पणाची प्रचिती देणारी असली, तरी तीव्र वेदना देणारी आणि समाजाला सावध करणारी आहे. बॅनर वाचवताना जीव धोक्यात घालण्याची ही घटना अनेक प्रश्न उपस्थित करत आहे.
सुरक्षेकडे दुर्लक्ष ठरतंय जीवघेणं
वीज ताऱ्यांच्या जवळ बॅनर लावणे आणि हाताळणे अत्यंत धोकादायक
पावसात लोखंडी रॉड/फ्रेमचा वापर जीवावर बेतू शकतो
आयोजकांकडून सुरक्षेचे नियम पाळले जात नसल्याचे वास्तव समोर
अशा प्रकारच्या दुर्घटना टाळण्यासाठी कार्यक्रमापूर्वी योग्य नियोजन, सुरक्षा उपाययोजना आणि वीज विभागाशी समन्वय आवश्यक असल्याची मागणी नागरिकांकडून होत आहे.
जयंतीबद्दलची भावना आणि निष्ठा नक्कीच कौतुकास्पद आहे, पण
“जीवापेक्षा मोठं काहीच नाही!”
भावना जपूया… पण सजगतेने!
भीमसैनिक सुरक्षित राहिल्यासच चळवळ मजबूत राहील!
0 टिप्पण्या
सर्व सामान्यांचा आधार, अन्याय अत्याचाराचा कर्दन काळ वंचित बहुजन न्यूज