कडवट औषध, तोंडातून ‘प्रसाद’ आणि नंतर अत्याचार? पीडितेचा थरारक आरोप

राज्यात सध्या खळबळ उडवणाऱ्या तथाकथित भोंदू बाबा अशोक खरात प्रकरणात दिवसेंदिवस नवे आणि धक्कादायक खुलासे समोर येत आहेत. एका पीडित महिलेने केलेल्या आरोपांमुळे या प्रकरणाची भीषणता आणखी वाढली आहे.

पीडितेच्या म्हणण्यानुसार, आरोपी स्वतःला आध्यात्मिक गुरू म्हणून सादर करत महिलांना “विशेष उपचार” देण्याचे आमिष दाखवत होता. या नावाखाली तो आधी महिलांना कडवट औषध पाजत असे. त्यानंतर त्यांच्या कानात "तू माझी राधा, मी तुझा कृष्ण" असे म्हणत त्यांना भावनिक आणि मानसिकरीत्या गुंतवण्याचा प्रयत्न करत असल्याचा गंभीर आरोप आहे.

यापुढे घडणारा प्रकार आणखी धक्कादायक असल्याचे पीडितेने सांगितले आहे. आरोपी स्वतःच्या तोंडातून “प्रसाद” देत असे आणि महिलांना तो घ्यायला भाग पाडत असे. या कृतीनंतर पीडितेला टेबलवर बसवून पुढील “उपचार” करत असल्याचे आरोप आहेत.

या सर्व प्रकारामुळे श्रद्धेच्या नावाखाली सुरू असलेल्या गैरप्रकारांवर पुन्हा एकदा प्रश्नचिन्ह निर्माण झाले आहे. समाजात या घटनेविरोधात तीव्र संताप व्यक्त केला जात असून नागरिकांकडून आरोपीवर तात्काळ कठोर कारवाईची मागणी होत आहे.

दरम्यान, या प्रकरणात आणखी पीडित महिला पुढे येण्याची शक्यता व्यक्त केली जात असून तपास यंत्रणांनीही या संपूर्ण प्रकरणाची सखोल चौकशी सुरू करण्याची गरज अधोरेखित होत आहे.

👉 श्रद्धेच्या आड लपलेला गुन्हेगारी चेहरा उघड होणार का?

👉 पीडितांना न्याय मिळणार का?

🗣️ अशा भोंदू बाबांविरोधात कठोर कारवाई व्हायला हवी का? तुमचं मत कमेंटमध्ये जरूर मांडा!